സുനാമി ട്രെയ്ലർ !!

നടനും സംവിധായകനുമായ ലാലും മകൻ ലാൽ ജൂനിയറും ചേർന്ന് ഒരുക്കുന്ന ഏറ്റവും പുതിയ ചിത്രമാണ് സുനാമി. ഇന്നസെന്റ്, ബാലു വർഗീസ്, അജു വർഗീസ്, സുരേഷ് കൃഷ്ണ, മുകേഷ് എന്നിങ്ങനെ നിരവധി താരങ്ങൾ ചിത്രത്തിൽ അണിനിരക്കുന്നുണ്ട്. ആരാധ്യ ആൻ ആണ് ചിത്രത്തിൽ നായികാ വേഷത്തിൽ എത്തുന്നത്. ഇപ്പോഴിതാ ചിത്രത്തിന്റെ ട്രെയ്ലർ ഇന്ന് യുട്യൂബിൽ റിലീസ് ചെയ്തിരിക്കുകയാണ് അണിയറപ്രവർത്തകർ. 123 മ്യൂസിക്‌സിന്റെ യൂട്യൂബ് ചാനലിലൂടെയാണ് ട്രെയ്ലർ റിലീസ് ചെയ്തിരിക്കുന്നത്. അലൻ ആന്റണി നിർമ്മിക്കുന്ന ചിത്രത്തിന് വേണ്ടി ഛായാഗ്രഹണം നിർവഹിക്കുന്നത്, അലക്സ് ജെ പുളിക്കലാണ്. ചിത്രസംയോജനം രതീഷ് രാജ്. യക്സൻ ഗാരി പെരേരയും നേഹ എസ് നായരും ചേർന്നാണ് ചിത്രത്തിന് വേണ്ടി സംഗീതസംവിധാനം നിർവഹിക്കുന്നത്. ചിത്രത്തിലെ സാമഗാരിസ എന്ന ഗാനം ഇതിനോടകം തന്നെ പ്രേക്ഷകർക്കിടയിൽ വൈറലാണ്. കഴിച്ച വർഷം മാർച്ച് മാസത്തിൽ 80 ശതമാനം ചിത്രീകരണവും പൂർത്തിയായ ചിത്രത്തിന്റെ ബാക്കി 20% കോവിഡ് കാരണം ഷൂട്ടിംഗ് മുടങ്ങുകയായിരുന്നു. പിന്നീട് ലോക്‌ഡൗണിന് ശേഷം ചുരുങ്ങിയ അണിയറപ്രവർത്തകർ വച്ച് ബാക്കി ഭാഗം ചിത്രീകരിക്കുകയായിരുന്നു. ടീസറിലൂടെ ചിത്രത്തിന്റെ കൂടുതൽ വിവരങ്ങൾ അറിയാൻ കാത്തിരിക്കുകയാണ് ആരാധകർ.