ജീവിതത്തിന് പ്രതീക്ഷയായി ‘സ്വപ്നങ്ങൾക്കപ്പുറം’

ജീവിതത്തിന് പ്രതീക്ഷയുടെ ജാലകം നൽകുന്ന സ്വപ്നങ്ങൾക്ക് അപ്പുറത്തുള്ള കാഴ്ചകളെ കുറിച്ചുള്ള കഥ പറയുന്ന ചിത്രമാണ് ദിവ്യദർശൻ നായകനാകുന്ന ‘സ്വപ്നങ്ങൾക്കപ്പുറം’. യുവതാരങ്ങളായ ഷൈൻ ടോം ചാക്കോയും അന്ന രേഷ്മ രാജനും ചേർന്ന് ഇരുവരുടെയും ഫേസ്ബുക് പേജിലൂടെ പോസ്റ്റർ റിലീസ് ചെയ്തുകൊണ്ട് ചിത്രം പ്രഖ്യാപിക്കുകയായിരുന്നു. പി ആൻ്റ് ജി സിനിമാസിന്റെ ബാനറിൽ പ്രേം ആർ നമ്പ്യാരാണ് ‘സ്വപ്നങ്ങൾക്കപ്പുറം’ സംവിധാനം ചെയ്യുന്നത്. ചിത്രം നിർമ്മിക്കുന്നത് എൻ കെ ഭാസ്കരൻ പയ്യന്നൂർ ആണ്. ചിത്രത്തിന്റെ കഥ, തിരക്കഥ, സംഭാഷണം, ഗാനരചന എന്നിവ നിർവഹിക്കുന്നതും എൻ കെ ഭാസ്കരൻ ആണ്. കുര്യൻ എന്നൊരു യുവാവിന്റെ വേഷത്തെ ആണ് ദിവ്യദർശൻ ചിത്രത്തിൽ അവതരിപ്പിക്കുന്നത്. പൊതുരംഗത്ത് നടന്ന സംഭവിക്കാൻ പാടില്ലാത്ത ഒരു അനുഭവ കഥയാണ് ‘സ്വപ്നങ്ങൾക്കപ്പുറം’ -ത്തിന്റെ പ്രമേയം. ഇബ്രാഹിംകുട്ടി, സന്തോഷ് കീഴാറ്റൂർ, സീമ ജി നായർ, തങ്കച്ചൻ, സന്തോഷ് കോമഡി സ്റ്റാർ, ശിവദാസൻ മട്ടന്നൂർ, പ്രേംരാജ്, എൻ. കെ ഭാസ്കരൻ,സുമേഷ് തമ്പി, പ്രിയ, ഉഷ പയ്യന്നൂർ എന്നിവരാണ് ചിത്രത്തിലെ മറ്റു അഭിനേതാക്കൾ. ഷാജി ജേക്കബ് ഛായാഗ്രഹനാകുന്ന ചിത്രം എഡിറ്റ് ചെയ്യുന്നത് അനന്തു ആണ്. കലാസംവിധാനം -ബാലൻ കൈതപ്പുറം, പ്രൊഡക്ഷൻ കൺട്രോളർ -റിയാസ് മുഹമ്മദ്, വസ്ത്രാലങ്കാരം- ബാലൻ മട്ടന്നൂർ, മേക്കപ്പ് -പുനലൂർ രവി, കൊറിയോഗ്രാഫർ -ഇന്ത്യാസ് അബൂബക്കർ, സ്റ്റിൽസ് -സുധി കെ സഞ്ജു, ഡിസൈൻസ് -സജീഷ് എം ഡിസൈൻസ്, പി ആർ ഓ -എം കെ ഷെജിൻ ആലപ്പുഴ എന്നിവരും നിർവ്വഹിക്കും.