നഞ്ചിയമ്മയുടെ അടുത്ത ചിത്രം !

ഒട്ടേറെ ഷോര്‍ട്ട് ഫിലിമിലൂടെയും, മ്യൂസിക്കല്‍ ആൽബങ്ങളിലൂടെയും കഴിവു തെളിയിച്ച ഷാഫി എപ്പിക്കാട് കഥയും തിരക്കഥയുമൊരുക്കി സംവിധാനം ചെയ്യുന്ന ചിത്രമാണ് ‘ചെക്കൻ’. ‘ഗപ്പി’, കലാഭവൻ മാണിയുടെ ജീവിതകഥ പറഞ്ഞ ‘ചാലക്കുടിക്കാരന്‍ ചങ്ങാതി’ തുടങ്ങിയ ചിത്രങ്ങളിലൂടെ പ്രേക്ഷകര്‍ക്ക് സുപരിചിതനായ വിഷ്ണു പുരുഷൻ ആണ് ഈ ചിത്രത്തിൽ നായകനായി എത്തുന്നത്. ‘അയ്യപ്പനും കോശിയും’ എന്ന ചിത്രത്തിലൂടെ ഏവർക്കും പ്രിയങ്കരിയായി മാറിയ നഞ്ചിയമ്മയും ചിത്രത്തിൽ ഒരു പ്രധാന വേഷത്തെ അവതരിപ്പിക്കുന്നുണ്ട്. അ​ഭി​നേ​താ​വാ​യും​ ​ഗായി​ക​യാ​യും ആണ് നഞ്ചിയമ്മ ‘ചെക്കൻ’ -ൽ എത്തുന്നത്. വര്‍ത്തമാനകാലത്തെ പല സംഭവവികാസങ്ങളും കോര്‍ത്തിണക്കി സംഗീതത്തിന് പ്രാധാന്യം നൽകിയാണ് ചിത്രം ഒരുങ്ങുന്നത്. വിഷ്ണു പുരുഷന്‍, നഞ്ചിയമ്മ എന്നിവര്‍ക്കു പുറമെ വിനോദ് കോവൂര്‍, അബു സാലിം, തെസ്നിഖാന്‍ , അബു സലിം, ആതിര ,അലി അരങ്ങേടത്ത്, ഷിഫാന, മാരാര്‍, സലാം കല്‍പ്പറ്റ , അമ്ബിളി തുടങ്ങിയവരോടൊപ്പം നാടക കലാകാരന്മാരും ചിത്രത്തിൽ വേഷമിടുന്നുണ്ട്. വണ്‍ ടു വണ്‍ മീഡിയയുടെ ബാനറില്‍ മണ്‍സൂര്‍ അലിയാണ് ‘ചെക്കൻ’ നിർമ്മിക്കുന്നത്. പൂ​ര്‍​ണ​മാ​യി​ ​വ​യ​നാ​ടി​ന്റെ​ ​ദൃശ്യ​ ചാരുതയില്‍ ഒരുങ്ങുന്ന ചിത്രത്തിന്റെ ഛായാഗ്രഹകൻ സുരേഷ് റെഡ് വണ്‍ ആണ്. എഡിറ്റിംഗ് – ജര്‍ഷാജ് കൊമ്മേരി , ഗാനരചന – മണികണ്ഠന്‍ പെരുമ്ബടപ്പ് , നഞ്ചിയമ്മ, ഒ വി അബ്ദുള്ള, സംഗീതം – മണികണ്ഠന്‍ പെരുമ്ബടപ്പ്, പശ്ചാത്തല സംഗീതം – സിബു സുകുമാരന്‍ , കല-ഉണ്ണി നിറം, ചമയം – ഹസ്സന്‍ വണ്ടൂര്‍ , വസ്ത്രാലങ്കാരം – സുരേഷ് കോട്ടാല, പ്രൊഡക്ഷന്‍ കണ്‍ട്രോളര്‍ – ഷൗക്കത്ത് വണ്ടൂര്‍ , കോ – ഓര്‍ഡിനേറ്റര്‍ – അഫ്സല്‍ തുവൂര്‍, സഹസംവിധാനം- ബഷീര്‍ പുലരി, പ്രോജക്‌ട് ഡിസൈനര്‍ – അസിം കോട്ടൂര്‍ , പ്രൊഡക്ഷന്‍ മാനേജര്‍ – റിയാസ് വയനാട്, ഡിസൈന്‍സ് -മനു ഡാവിഞ്ചി, സ്റ്റില്‍സ് – അപ്പു വൈഡ് ഫ്രെയിം എന്നിവരാണ് നിർവ്വഹിക്കുന്നത്.