ഐശ്വര്യയുടെ ‘ഗോഡ്‌സെ’

മലയാളികളുടെ പ്രിയ നടി ഐശ്വര്യ ലക്ഷ്മിയുടെ തെലുങ്ക് അരങ്ങേറ്റ ചിത്രമാണ് ഗോപി ഗണേഷ് പട്ടാഭി ഒരുക്കുന്ന ‘ഗോഡ്‌സെ’. സി കെ സ്ക്രീനിന്റെ ബാനറില്‍ സി കെ കല്യാൺ നിർമ്മിക്കുന്ന ചിത്രത്തിന്റെ ഷൂട്ടിംഗ് ഇന്ന് ഹൈദരാബാദിൽ ആരംഭിച്ചിരിക്കുകയാണ്. സത്യദേവ് ആണ് ‘ഗോഡ്‌സെ’ -യിൽ നായകനായി എത്തുന്നത്. ആക്ഷന്‍ ത്രില്ലര്‍ ജോണറിൽ ഒരുങ്ങുന്ന ചിത്രത്തിൽ നാസര്‍, ആദിത്യ മേനോന്‍, ബ്രഹ്മജി, കിഷോര്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ബ്ലഫ് മാസ്റ്ററിന് ശേഷം സത്യദേവും ഗോപി ഗണേഷ് പട്ടാബിയും വീണ്ടും ഒന്നിക്കുന്ന ചിത്രം കൂടിയാണ് ‘ഗോഡ്‌സെ’. ഗോപി ഗണേഷ് തന്നെയാണ് ചിത്രത്തിന്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്. ചിത്രത്തെ കുറിച്ചുള്ള കൂടുതൽ വിവരങ്ങൾ ഇനിയും പുറത്തു വന്നിട്ടില്ല. ‘അർച്ചന 31 നോട്ട് ഔട്ട്’, ‘കാണെക്കാണെ’, ‘കുമാരി’ തുടങ്ങിയ മലയാള ചിത്രങ്ങളും ‘ജഗമേ തന്തിരം’, ‘പൊന്നിയിൻ സെൽവൻ’ തുടങ്ങിയ തമിഴ് ചിത്രങ്ങളുമാണ് ഐശ്വര്യേടെതായി അണിയറയിൽ ഒരുങ്ങുന്ന പുതിയ ചിത്രങ്ങൾ. മഹേഷിന്റെ പ്രതികാരം തെലുങ്ക് റീമേക്കില്‍ ഫഹദിന്റെ വേഷത്തിലെത്തിയത് സത്യദേവ് ആയിരുന്നു.